हाथां पकड़्यो भाल डोकरी
मोडा खाग्या माल डोकरी
हेत जताकर जमीं हड़प ली,
फंसी कुजरबी चाल डोकरी।
मोडा खाग्या माल डोकरी
हेत जताकर जमीं हड़प ली,
फंसी कुजरबी चाल डोकरी।
घर रा कागद गेणै मेल्या,
घरकां ओदी घाल डोकरी।
लाव निकळगी पग हेटै सूं,
पछै पड़ी पड़ताल डोकरी।
घरकां ओदी घाल डोकरी।
लाव निकळगी पग हेटै सूं,
पछै पड़ी पड़ताल डोकरी।
हिरण्यां हाथी कीर हारता,
सालै हिय बै साल डोकरी।
हाण हट्यां पछ लाण बण्योड़ी
बैठी माथो झाल डोकरी।
सालै हिय बै साल डोकरी।
हाण हट्यां पछ लाण बण्योड़ी
बैठी माथो झाल डोकरी।
नुगरा जीम्या बिण नूंतै ई,
गया बजाता गाल डोकरी।
बेटो मौन, बहू रा गाड़ा,
झिलै जीता दिन झाल डोकरी।
गया बजाता गाल डोकरी।
बेटो मौन, बहू रा गाड़ा,
झिलै जीता दिन झाल डोकरी।
कलजुग रै कुड़कै फंस कढगी,
खड़्ये ना'र री खाल डोकरी।
निकळ्या नाजोगा घरवाळा,
पण तूँ रही दयाल डोकरी।
खड़्ये ना'र री खाल डोकरी।
निकळ्या नाजोगा घरवाळा,
पण तूँ रही दयाल डोकरी।
प्रीत दया परतीत पखै तूँ
मुलकां बणी मिसाल डोकरी।
मुलकां बणी मिसाल डोकरी।
डॉ गजादान चारण'शक्तिसुत'
No comments
Post a Comment